Abstrak
Impliaktur Cecaturan Sajrone Film Kartini
Jeneng : Mar’atus Sayyidah
NIM : 16020114061
Prodi : S-1/ Pendhidhikan Basa lan Sastra Dhaerah
Fakultas : Basa lan Seni
Lembaga : Universitas Negeri Surabaya
Pembimbing : Dr. Murdiyanto M.Hum.
Implikatur cecaturan mujudake salah sawijine elmu pragmatik. Implikatur diperang dadi loro yaiku implikatur cecaturan umum lan implikatur cecaturan khusus. Adhedhasar andharan kasebut underane panliten yaiku: (1) Apa wae jinis implikatur cecaturan sajrone film Kartini, (2) Fungsi implikatur apa wae kang ana sajrone cecaturan film Kartini, (3) Makna implikatur apa wae kang ana sajrone cecaturan film Kartini. Jumbuh karo underane panliten kasebut, ancase panliten yaiku: (1) Ngandharake apa wae jinis implikatur cecaturan sajrone film Kartini, (2) Ngandharake apa makna implikatur cecaturan sajrone film Kartini, (3) Ngandharake apa wae fungsi implikatur kang ana ing sajrone cecaturan film Kartini.
Teori kang digunakake yaiku Teorine Searle kang disengkuyung dening teorine Grice. Metodhe panliten iki gunakake metodhe deskriptif kualitatif. Sumber dhata panliten iki yaiku film Kartini. Dhata ing panliten iki dikumpulake kanthi cara transkrip cecaturan saka film dadi teks. Tatacara ngumpulake dhata yaiku kanthi cara nyemak, lan transkrip cecaturan. Tatacara nyuguhake dhata yaiku kanthi cara informal. Lan tatacarane njlentrehake dhata yaiku kanthi cara metodhe distribusional lan dheskriptif.
Asile panliten kang wis ditindake yaiku nemokake jinis implikatur cecaturan kang tinemu yaiku implikatur pacaturan umum lan implikatur pacaturan khusus. Banjur fungsi implikatur ditemokake ana ing panliten iki yaiku fungsi implikatur asertif nyatakake, fungsi asertif nglaporake, fungsi implikatur ekspresif atur panuwun, fungsi implikatur ekspresif njaluk sepura, fungsi implikatur dhirektif mrintah, fungsi implikatur dhirektif takon, fungsi implikatur komisif janjeni, fungsi implikatur deklaratif paukuman.
Tembung Wigati : Implikatur cecaturan, film Kartini, Jinis, Fungsi.